अध्याय 100: कलि में वर्णसंकर और छूटा मार्ग

पर त्रिय लम्पट कपट सयाने । मोह द्रोह ममता लपटाने ॥
तेइ अभेद-वादी ज्ञानी नर । देखा मैं चरित्र कलिजुग कर ॥

para triya lampaṭa kapaṭa sayāne | moha droha mamatā lapaṭāne ||
tei abheda-vādī jñānī nara | dekhā maiṃ caritra kalijuga kara ||

आपु गये अरु तिन्हहूँ घालहिँ । जे कहुँ सत-मारग प्रतिपालहिँ ॥
कल्प कल्प अरि एक एक नरका । परहिँ जे दूषहिँ श्रुति करि तरका ॥

āpu gaye aru tinhahūm̐ ghālahim̐ | je kahum̐ sata-māraga pratipālahim̐ ||
kalpa kalpa ari eka eka narakā | parahim̐ je dūṣahim̐ śruti kari tarakā ||

जे बरनाधम तेलि कुम्हारा । स्वपच किरात कोल कलवारा ॥
नारि मुई गृह सम्पति नासी । मूड़ मुड़ाइ होहिं सन्यासी ॥

je baranādhama teli kumhārā | svapaca kirāta kola kalavārā ||
nāri muī gṛha sampati nāsī | mūr̤a mur̤āi hohiṃ sanyāsī ||

ते बिप्रन्ह सन पाँच पुजावहिँ । उभय लोक निज हाथ नसावहिँ ॥
बिप्र निरच्छर लोलुप कामी । निराचार सठ बृषली स्वामी ॥

te bipranha sana pām̐ca pujāvahim̐ | ubhaya loka nija hātha nasāvahim̐ ||
bipra niracchara lolupa kāmī | nirācāra saṭha bṛṣalī svāmī ||

सूद्र कहिँ जप तप व्रत नाना । बैठि बरासन कहहिँ पुराना ॥
सब नर कल्पित करहिँ अचारा । जाइ न बरनि अनीति अपारा ॥

sūdra kahim̐ japa tapa vrata nānā | baiṭhi barāsana kahahim̐ purānā ||
saba nara kalpita karahim̐ acārā | jāi na barani anīti apārā ||