अध्याय 95: अनेक जन्मों की सुधि, इस देह से प्रीति

गरुड़ गिरा सुनि हरषेउ कागा । बोलेउ उमा सहित अनुरागा ॥
धन्य धन्य तव मति उरगारी । प्रस्न तुम्हारि मोहि अति प्यारी ॥

garur̤a girā suni haraṣeu kāgā | boleu umā sahita anurāgā ||
dhanya dhanya tava mati uragārī | prasna tumhāri mohi ati pyārī ||

सुनि तव प्रस्न सप्रेम सुहाई । बहुत जनम की सुधि मोहि आई ॥
सब निज कथा कहउँ मैं गाई । तात सुनहु सादर मन लाई ॥

suni tava prasna saprema suhāī | bahuta janama kī sudhi mohi āī ||
saba nija kathā kahaum̐ maiṃ gāī | tāta sunahu sādara mana lāī ||

जप तप मख सम दम ब्रत दाना । बिरति बिबेक जोग बिज्ञाना ॥
सब कर फल रघुपति-पद प्रेमा । तेहि बिनु कोउ न पावइ छेमा ॥

japa tapa makha sama dama brata dānā | birati bibeka joga bijñānā ||
saba kara phala raghupati-pada premā | tehi binu kou na pāvai chemā ||

एहि तन राम भगति मैं पाई । ताते मोहि ममता अधिकाई ॥
जेहि तेँ कछु निज स्वारथ होई । तेहि पर ममता कर सब कोई ॥

ehi tana rāma bhagati maiṃ pāī | tāte mohi mamatā adhikāī ||
jehi tem̐ kachu nija svāratha hoī | tehi para mamatā kara saba koī ||