अध्याय 94: गरुड़ का प्रश्न: काग-देह क्यों, काल क्यों नहीं

तुम्ह सर्वज्ञ तन्य तम पारा । सुमति सुसील सरल आचारा ॥
ज्ञान बिरति विज्ञान निवासा । रघुनायक के तुम्ह प्रिय दासा ॥

tumha sarvajña tanya tama pārā | sumati susīla sarala ācārā ||
jñāna birati vijñāna nivāsā | raghunāyaka ke tumha priya dāsā ||

कारन कवन देह यह पाई । तात सकल मोहि कहहु बुझाई ॥
राम चरित सर सुन्दर स्वामी । पायहु कहाँ कहहु नभगामी ॥

kārana kavana deha yaha pāī | tāta sakala mohi kahahu bujhāī ||
rāma carita sara sundara svāmī | pāyahu kahām̐ kahahu nabhagāmī ||

नाथ सुना मैं अस सिव पाहीँ । महा प्रलयहुँ नास तब नाहीँ ॥
मुधा बचन नहिं ईस्वर कहई । सोउ मोरें मन संसय अहई ॥

nātha sunā maiṃ asa siva pāhīm̐ | mahā pralayahum̐ nāsa taba nāhīm̐ ||
mudhā bacana nahiṃ īsvara kahaī | sou moreṃ mana saṃsaya ahaī ||

अग जग जीव नाग नर देवा । नाथ सकल जग काल कलेवा ॥
अंड कटाह अमित लय कारी । काल सदा दुरतिक्रम भारी ॥

aga jaga jīva nāga nara devā | nātha sakala jaga kāla kalevā ||
aṃḍa kaṭāha amita laya kārī | kāla sadā duratikrama bhārī ||