अध्याय 87: अनेक पुत्रों वाले पिता का दृष्टान्त

एक पिता के बिपुल कुमारा । होहिं पृथक गुन सील अचारा ॥
कोउ पंडिंत कोउ तापस ज्ञाता । कोउ धनवन्त सूर कोउ दाता ॥

eka pitā ke bipula kumārā | hohiṃ pṛthaka guna sīla acārā ||
kou paṃḍiṃta kou tāpasa jñātā | kou dhanavanta sūra kou dātā ||

कोउ सर्बज्ञ धर्म-रत कोई । सब पर पितहि प्रीति सम होई ॥
कोउ पितु भगत बचन मन कर्मा । सपनेहुँ जान न दूसर धर्मा ॥

kou sarbajña dharma-rata koī | saba para pitahi prīti sama hoī ||
kou pitu bhagata bacana mana karmā | sapanehum̐ jāna na dūsara dharmā ||

सो सुत प्रिय पितु प्रान समाना । जद्यपि सो सब भाँति अयाना ॥
एहि बिधि जीव चराचर जेते । त्रिजग देव नर असुर समेते ॥

so suta priya pitu prāna samānā | jadyapi so saba bhām̐ti ayānā ||
ehi bidhi jīva carācara jete | trijaga deva nara asura samete ||

अखिल विस्व यह मोर उपाया । सब पर मोहि बराबरि दाया ॥
तिन्ह महँ जो परिहरि मद माया । भजै मोहि मन बच अरू काया ॥

akhila visva yaha mora upāyā | saba para mohi barābari dāyā ||
tinha maham̐ jo parihari mada māyā | bhajai mohi mana baca arū kāyā ||