अध्याय 85: श्रीराम का भक्ति-वरदान

एवमस्तु कहि रघुकुलनायक । बोले बचन परम सुखदायक ॥
सुनु बायस ते सहज सयाना । काहे न मागसि, अस बरदाना ॥

evamastu kahi raghukulanāyaka | bole bacana parama sukhadāyaka ||
sunu bāyasa te sahaja sayānā | kāhe na māgasi, asa baradānā ||

सब सुख खानि भगति तैं मागी । नहिं जग कोउ तोहि सम बड़भागी ॥
जो मुनि कोटि जतन नहिँ लहहीं । जे जप जोग अनल तन दहहीं ॥

saba sukha khāni bhagati taiṃ māgī | nahiṃ jaga kou tohi sama bar̤abhāgī ||
jo muni koṭi jatana nahim̐ lahahīṃ | je japa joga anala tana dahahīṃ ||

रीझेउँ देखि तोरि चतुराई । मागेहु भगति मोहि अति भाई ॥
सुनु बिहँग प्रसाद अब मोरें । सब सुभ गुन बसिहहिँ उर तोरें ॥

rījheum̐ dekhi tori caturāī | māgehu bhagati mohi ati bhāī ||
sunu biham̐ga prasāda aba moreṃ | saba subha guna basihahim̐ ura toreṃ ||

भगति ज्ञान बिज्ञान बिरागा । जोग चरित्र रहस्य विभागा ॥
जानब से सबही कर भेदा । मम प्रसाद नहिँ साधन खेदा ॥

bhagati jñāna bijñāna birāgā | joga caritra rahasya vibhāgā ||
jānaba se sabahī kara bhedā | mama prasāda nahim̐ sādhana khedā ||