अध्याय 84: भुशुण्डि केवल निर्मल भक्ति माँगते हैं

ज्ञान विवेक बिरति विज्ञाना । मुनि दुर्लभ गुन जे जग जाना ॥
आजु देउँ सब संसय नाहीं । माँगु जो तोहि मान रन माहीं ॥

jñāna viveka birati vijñānā | muni durlabha guna je jaga jānā ||
āju deum̐ saba saṃsaya nāhīṃ | mām̐gu jo tohi māna rana māhīṃ ||

सुनि प्रभु बचन अधिक अनुरागेउँ । मन अनुमान करना लागेउँ ॥
प्रभु कह देन सकल सुख सही । भगति आपनी देन न कही ॥

suni prabhu bacana adhika anurāgeum̐ | mana anumāna karanā lāgeum̐ ||
prabhu kaha dena sakala sukha sahī | bhagati āpanī dena na kahī ||

भगति हीन गुन सब सुख कैसे । लवन बिना बहु बिञ्जन जैसे ॥
भजन हीन सुख कवने काजा । अस बिचारि बोलेउँ खगराजा ॥

bhagati hīna guna saba sukha kaise | lavana binā bahu biñjana jaise ||
bhajana hīna sukha kavane kājā | asa bicāri boleum̐ khagarājā ||

जौँ प्रभु होइ प्रसन्न बर देहू । मो पर करहु कृपा अरु नेहू ॥
मन-भावत बर माँगउँ स्वामी । तुम्ह उदार उर अन्तरजामी ॥

jaum̐ prabhu hoi prasanna bara dehū | mo para karahu kṛpā aru nehū ||
mana-bhāvata bara mām̐gaum̐ svāmī | tumha udāra ura antarajāmī ||