अध्याय 69: गरुड़ अपने मोह को वरदान मानते हैं

देखि चरित अति नर अनुसारी । भयउ हृदयँ मम संसय भारी ॥
सोइ भ्रम अब हित करि मैं माना । कीन्ह अनुग्रह कृपानिधाना ॥

dekhi carita ati nara anusārī | bhayau hṛdayam̐ mama saṃsaya bhārī ||
soi bhrama aba hita kari maiṃ mānā | kīnha anugraha kṛpānidhānā ||

जो अति आतप व्याकुल होई । तरु छाया सुख जानइ खाई ॥
जौँ नहिं होत मोह अति मोही । मिलतेउँ तात कवन विधि तोही ॥

jo ati ātapa vyākula hoī | taru chāyā sukha jānai khāī ||
jaum̐ nahiṃ hota moha ati mohī | milateum̐ tāta kavana vidhi tohī ||

सुनतेउँ किमि हरि कथा सुहाई । अति बिचित्र बहु बिधि तुम्ह गाई ॥
निगमागम पुरान मत एहा । कहहिँ सिद्ध मुनि नहिँ सन्देहा ॥

sunateum̐ kimi hari kathā suhāī | ati bicitra bahu bidhi tumha gāī ||
nigamāgama purāna mata ehā | kahahim̐ siddha muni nahim̐ sandehā ||

सन्त बिसुद्ध मिलहिँ परि तेही । चितवहिँ राम कृपा करि जेही ॥
राम कृपाँ तव दरसन भयऊ । तव प्रसाद सब संसय गयऊ ॥

santa bisuddha milahim̐ pari tehī | citavahim̐ rāma kṛpā kari jehī ||
rāma kṛpām̐ tava darasana bhayaū | tava prasāda saba saṃsaya gayaū ||