अध्याय 68: कथा पूर्ण, गरुड़ का सन्देह मिटा

निसिचर निकर मरन बिधि नाना । रघुपति रावन समर बखाना ॥
रावन बध मन्दोदरि सोका । राज बिभीषन देव असोका ॥

nisicara nikara marana bidhi nānā | raghupati rāvana samara bakhānā ||
rāvana badha mandodari sokā | rāja bibhīṣana deva asokā ||

सीता रघुपति मिलन बहोरी । सुरन्ह कीन्ह अस्तुति कर जोरी ॥
पुनि पुष्पक चढ़ि कपिन्ह समेता । अवध चले प्रभु कृपा निकेता ॥

sītā raghupati milana bahorī | suranha kīnha astuti kara jorī ||
puni puṣpaka car̤hi kapinha sametā | avadha cale prabhu kṛpā niketā ||

जेहि बिधि राम नगर निज आये । बायस बिसद चरित सब गाये ॥
कहेसि बहोरि राम अभिषैका । पुर बरनत नृपनीति अनेका ॥

jehi bidhi rāma nagara nija āye | bāyasa bisada carita saba gāye ||
kahesi bahori rāma abhiṣaikā | pura baranata nṛpanīti anekā ||

कथा समस्त भुसुंडि बखानी । जो मैं तुम्ह सन कही भवानी ॥
सुनि सन रामकथा खगनाहा । कहत बचन मन परम उछाहा ॥

kathā samasta bhusuṃḍi bakhānī | jo maiṃ tumha sana kahī bhavānī ||
suni sana rāmakathā khaganāhā | kahata bacana mana parama uchāhā ||