अध्याय 67: भुशुण्डि का सुन्दर और युद्ध-वर्णन

जेहि विधि कपिपति कीस पठाये । सीता खोज सकल दिसि धाये ॥
बिबर प्रबेस कीन्ह जेहि भाँती । कपिन्ह बहोरि मिला सम्पाती ॥

jehi vidhi kapipati kīsa paṭhāye | sītā khoja sakala disi dhāye ||
bibara prabesa kīnha jehi bhām̐tī | kapinha bahori milā sampātī ||

सुनि सब कथा समीरकुमारा । नाघत भयउ पयोधि अपारा ॥
लंकाँ कपि प्रबेस जिमि कीन्हा । पुनि सीतहि धीरज जिमि दीन्हा ॥

suni saba kathā samīrakumārā | nāghata bhayau payodhi apārā ||
laṃkām̐ kapi prabesa jimi kīnhā | puni sītahi dhīraja jimi dīnhā ||

बन उजारि रावनहि प्रबोधी । पुर दहि नाघेउ बहुरि पयोधी ॥
आये कपि सब जहँ रघुराई । बैदेही कि कुसल सुनाई ॥

bana ujāri rāvanahi prabodhī | pura dahi nāgheu bahuri payodhī ||
āye kapi saba jaham̐ raghurāī | baidehī ki kusala sunāī ||

सेन समेत जथा रघुबीरा । उतरे जाइ बारिनिधि तीरा ॥
मिला बिभीषन जेहि निधि आई । सागर निग्रह कथा सुनाई ॥

sena sameta jathā raghubīrā | utare jāi bārinidhi tīrā ||
milā bibhīṣana jehi nidhi āī | sāgara nigraha kathā sunāī ||