अध्याय 66: भुशुण्डि का अरण्य और किष्किन्धा वर्णन

कहि दंडक बन पावनताई । गीध मइत्री पुनि तेहिं गाई ॥
पुनि प्रभु पंचवटीं कुल बासा । भंजी सकल मुनिन्ह के त्रासा ॥

kahi daṃḍaka bana pāvanatāī | gīdha maitrī puni tehiṃ gāī ||
puni prabhu paṃcavaṭīṃ kula bāsā | bhaṃjī sakala muninha ke trāsā ||

पुनि लछिमन उपदेस अनूपा । सूपनखा जिमि कीन्ह कुरूपा ॥
खर दूषन बध बहुरि बखाना । जिमि सब मरम दसानन जाना ॥

puni lachimana upadesa anūpā | sūpanakhā jimi kīnha kurūpā ||
khara dūṣana badha bahuri bakhānā | jimi saba marama dasānana jānā ||

दसकन्धर मारीच बतकहीं । जेहि विधि भई सो सब तेहिं कही ॥
पुनि माया सीता कर हरना । श्रीरघुबीर बिरह कछु बरना ॥

dasakandhara mārīca batakahīṃ | jehi vidhi bhaī so saba tehiṃ kahī ||
puni māyā sītā kara haranā | śrīraghubīra biraha kachu baranā ||

पुनि प्रभु गीध क्रिया जिमि कीन्ही । बधि कबन्ध सबरिहि गति दीन्ही ॥
बहुरि बिरह बरनत रघुबीरा । जेहि बिधि गये सरोवर तीरा ॥

puni prabhu gīdha kriyā jimi kīnhī | badhi kabandha sabarihi gati dīnhī ||
bahuri biraha baranata raghubīrā | jehi bidhi gaye sarovara tīrā ||