अध्याय 54: सबसे दुर्लभ राम-भक्त

नर सहस्त्र महँ सुनहु पुरारी । कोउ एक होइ धर्म ब्रतधारी ॥
धर्मसील कोटिक महँ कोई । विषय बिमुख बिराग रत होई ॥

nara sahastra maham̐ sunahu purārī | kou eka hoi dharma bratadhārī ||
dharmasīla koṭika maham̐ koī | viṣaya bimukha birāga rata hoī ||

कोटि बिरक्त मध्य श्रुति कहई । सम्यक ग्यान सकृत कोउ लहई ॥
ज्ञानवन्त कोटिक महँ कोऊ । जीवनमुक्त सकृत जग सोऊ ॥

koṭi birakta madhya śruti kahaī | samyaka gyāna sakṛta kou lahaī ||
jñānavanta koṭika maham̐ koū | jīvanamukta sakṛta jaga soū ||

तिन्ह सहस्र महँ सब सुख खानी । दुर्लभ ब्रह्म-लीन विज्ञानी ॥
धर्मसील बिरक्त अरु ज्ञानी । जीवनमुक्त ब्रह्मपर प्रानी ॥

tinha sahasra maham̐ saba sukha khānī | durlabha brahma-līna vijñānī ||
dharmasīla birakta aru jñānī | jīvanamukta brahmapara prānī ||

सब तें सो दुर्लभ सुरराया । राम भगति रत गत मद माया ॥
सो हरिभगति काग किमि पाई । बिस्वनाथ मोहि कहहु बुझाई ॥

saba teṃ so durlabha surarāyā | rāma bhagati rata gata mada māyā ||
so haribhagati kāga kimi pāī | bisvanātha mohi kahahu bujhāī ||