अध्याय 53: उमा का प्रश्न, कौए में राम-भक्ति कैसे

राम चरित जे सुनत अघाहीं । रस बिसेष जाना तिन्ह नाहीं ॥
जीवनमुक्त महामुनि जेऊ । हरि गुन सुनहिँ निरन्तर तेऊ ॥

rāma carita je sunata aghāhīṃ | rasa biseṣa jānā tinha nāhīṃ ||
jīvanamukta mahāmuni jeū | hari guna sunahim̐ nirantara teū ||

भव सागर चह पार जो पावा । राम कथा ता कहँ दृढ़ नावा ॥
बिषइन्ह कहँ पुनि हरि-गुन-ग्रामा । सवन सुखद अरु मन अभिरामा ॥

bhava sāgara caha pāra jo pāvā | rāma kathā tā kaham̐ dṛr̤ha nāvā ||
biṣainha kaham̐ puni hari-guna-grāmā | savana sukhada aru mana abhirāmā ||

श्रवनवंत अस को जग माहीँ । जाहि न रघुपति चरित सोहाहीं ॥
ते जड़ जीव निजात्मक-घाती । जिन्हहि न रघुपति कथा सोहाती ॥

śravanavaṃta asa ko jaga māhīm̐ | jāhi na raghupati carita sohāhīṃ ||
te jar̤a jīva nijātmaka-ghātī | jinhahi na raghupati kathā sohātī ||

हरिचरित्र मानस तुम्ह गावा । सुनि मैं नाथ अमित सुख पाना ॥
तुम्ह जो कही यह कथा सुहाई । कागभसुंडि गरुड़ प्रति गाई ॥

haricaritra mānasa tumha gāvā | suni maiṃ nātha amita sukha pānā ||
tumha jo kahī yaha kathā suhāī | kāgabhasuṃḍi garur̤a prati gāī ||