अध्याय 48: श्रीराम के सम्मुख वसिष्ठ का निवेदन

एक धार बसिष्ट मुनि आये । जहाँ राम सुखधाम सुहाये ॥
अति आदर रघुनायक कीन्हा । पद पखारि पादोदक लीन्हा ॥

eka dhāra basiṣṭa muni āye | jahām̐ rāma sukhadhāma suhāye ||
ati ādara raghunāyaka kīnhā | pada pakhāri pādodaka līnhā ||

राम सुनहु मुनि कह कर जोरी । कृपासिन्धु बिनती कछु मोरी ॥
देखि देखि आचरन तुम्हारा । होत मोह मम हृदयँ अपारा ॥

rāma sunahu muni kaha kara jorī | kṛpāsindhu binatī kachu morī ||
dekhi dekhi ācarana tumhārā | hota moha mama hṛdayam̐ apārā ||

महिमा अमित बेद नहिं जाना । मैं केहि भाँति कहउँ भगवाना ॥
उपरोहित्य-कर्म अति मन्दा । बेद पुरान सुमृति कर निन्दा ॥

mahimā amita beda nahiṃ jānā | maiṃ kehi bhām̐ti kahaum̐ bhagavānā ||
uparohitya-karma ati mandā | beda purāna sumṛti kara nindā ||

जब न लेउँ मैं तब विधि मोही । कहा लाभ आगें सुत तोही ॥
परमातमा ब्रह्म नर रूपा । होइहि रघुकुल-भूषन भूपा ॥

jaba na leum̐ maiṃ taba vidhi mohī | kahā lābha āgeṃ suta tohī ||
paramātamā brahma nara rūpā | hoihi raghukula-bhūṣana bhūpā ||