अध्याय 47: पुरवासी श्रीराम के चरणों में

सुनत सुधा सम बचन राम के । गहे सबनि पद कृपा-धाम के ॥
जननि जनक गुरु बन्धु हमारे । कृपा निधान प्रान ते प्यारे ॥

sunata sudhā sama bacana rāma ke | gahe sabani pada kṛpā-dhāma ke ||
janani janaka guru bandhu hamāre | kṛpā nidhāna prāna te pyāre ||

तन धन धाम राम हितकारी । सब विधि तुम्ह प्रनतारति हारी ॥
अस सिख तुम्ह बिनु देइ न कोऊ । मातु पिता स्वारथ रत ओऊ ॥

tana dhana dhāma rāma hitakārī | saba vidhi tumha pranatārati hārī ||
asa sikha tumha binu dei na koū | mātu pitā svāratha rata oū ||

हेतु रहित जग जुग उपकारी । तुम्ह तुम्हार सेवक असुरारी ॥
स्वारथ मीत सकल जग माहीं । सपनेहुँ प्रभु परमारथ नाहीं ॥

hetu rahita jaga juga upakārī | tumha tumhāra sevaka asurārī ||
svāratha mīta sakala jaga māhīṃ | sapanehum̐ prabhu paramāratha nāhīṃ ||

सब के बचन प्रेम रस साने । सुनि रघुनाथ हृदयँ हरषाने ॥
निज निज गृह गये आयसु पाई । बरनत प्रभु बतकही सुहाई ॥

saba ke bacana prema rasa sāne | suni raghunātha hṛdayam̐ haraṣāne ||
nija nija gṛha gaye āyasu pāī | baranata prabhu batakahī suhāī ||