अध्याय 42: नारद ब्रह्मलोक में चरित सुनाते हैं

श्रीमुख बचन सुनत सब भाई । हरषे प्रेम न हृदयँ समाई ॥
करहिँ बिनय अति बार धारा । हनूमान हियँ हरष अपारा ॥

śrīmukha bacana sunata saba bhāī | haraṣe prema na hṛdayam̐ samāī ||
karahim̐ binaya ati bāra dhārā | hanūmāna hiyam̐ haraṣa apārā ||

पुनि रघुपति निज मन्दिर गये । एहि बिधि चरित करत नित नये ॥
बार बार नारद मुनि आवहिँ । चरित पुनीत राम के गावहिं ॥

puni raghupati nija mandira gaye | ehi bidhi carita karata nita naye ||
bāra bāra nārada muni āvahim̐ | carita punīta rāma ke gāvahiṃ ||

नित नव चरित देखि मुनि जाहीँ । ब्रह्मलोक सब कथा कहाहीं ॥
सुनि बिरञ्चि अतिसय सुख मानहिँ । पुनि पुनि तात करहु गुन गानहिं ॥

nita nava carita dekhi muni jāhīm̐ | brahmaloka saba kathā kahāhīṃ ||
suni birañci atisaya sukha mānahim̐ | puni puni tāta karahu guna gānahiṃ ||

सनकादिक नारदहि सराहहिँ । जद्यपि ब्रह्म-निरत मुनि आहहिँ ॥
सुनि गुन गान समाधि बिसारी । सादर सुनहिँ परम अधिकारी ॥

sanakādika nāradahi sarāhahim̐ | jadyapi brahma-nirata muni āhahim̐ ||
suni guna gāna samādhi bisārī | sādara sunahim̐ parama adhikārī ||