अध्याय 40: कलियुग में ऐसे अधमों की भीड़

लोभइ ओढ़न लोभइ डासन । सिस्त्रोदर पर जमपुर त्रास न ॥
काहू की जौँ सुनहिँ बड़ाई । स्वास लेहिँ जनु जूड़ी आई ॥

lobhai or̤hana lobhai ḍāsana | sistrodara para jamapura trāsa na ||
kāhū kī jaum̐ sunahim̐ bar̤āī | svāsa lehim̐ janu jūr̤ī āī ||

जब काहू के देखहिँ बिपती । सुखी भए मानहुँ जग नृपती ॥
स्वारथ रथ परिवार बिरोधी । लम्पट काम लोभ अति क्रोधी ॥

jaba kāhū ke dekhahim̐ bipatī | sukhī bhae mānahum̐ jaga nṛpatī ||
svāratha ratha parivāra birodhī | lampaṭa kāma lobha ati krodhī ||

मातु पिता गुरु बिप्र न मानहिँ । आपु गये अरु घालहिँ आनहिँ ॥
करहिँ मोह बस द्रोह परावा । सन्त सङ्ग हरि कथा न भावा ॥

mātu pitā guru bipra na mānahim̐ | āpu gaye aru ghālahim̐ ānahim̐ ||
karahim̐ moha basa droha parāvā | santa saṅga hari kathā na bhāvā ||

अवगुन-सिन्धु मन्दमति कामी । बेद विदूषक परधन स्वामी ॥
बिप्र द्रोह पर द्रोह बिसेषा । दम्भ कपट जियँ धरें सुबेषा ॥

avaguna-sindhu mandamati kāmī | beda vidūṣaka paradhana svāmī ||
bipra droha para droha biseṣā | dambha kapaṭa jiyam̐ dhareṃ subeṣā ||