अध्याय 28: वाटिकाएँ, पक्षी और बाज़ार

सुमन-बाटिका सबहिँ लगाई । विविध भाँति करि जतन बनाई ॥
लता ललित बहु जाति सुहाई । फूलहिँ सदा बसन्त कि नाई ॥

sumana-bāṭikā sabahim̐ lagāī | vividha bhām̐ti kari jatana banāī ||
latā lalita bahu jāti suhāī | phūlahim̐ sadā basanta ki nāī ||

गुंजत मधुकर मुखर मनोहर । मारुत त्रिविधि सदा बह सुन्दर ॥
नाना खग बालकन्हि जिआये । बोलत मधुर उड़ात सुहाये ॥

guṃjata madhukara mukhara manohara | māruta trividhi sadā baha sundara ||
nānā khaga bālakanhi jiāye | bolata madhura ur̤āta suhāye ||

मोर हंस सारस पारावत । भवननि पर सोभा अति पावत ॥
जहं तहँ देखहिँ निज परिछाहीं । बहु बिधि कूजहिँ नृत्य कराहीँ ॥

mora haṃsa sārasa pārāvata | bhavanani para sobhā ati pāvata ||
jahaṃ taham̐ dekhahim̐ nija parichāhīṃ | bahu bidhi kūjahim̐ nṛtya karāhīm̐ ||

सुक सारिका पढावहिं बालक । कहहु राम रघुपति जन-पालक ॥
राज दुआर सकल विधि चारू । बीथीं चौहट रूचिर बजारू ॥

suka sārikā paḍhāvahiṃ bālaka | kahahu rāma raghupati jana-pālaka ||
rāja duāra sakala vidhi cārū | bīthīṃ cauhaṭa rūcira bajārū ||