अध्याय 27: अयोध्या के भवनों की शोभा

नारदादि सनकादि मुनीसा । दरसन लागि कोसलाधीसा ॥
दिन प्रति सकल अजोध्या आवहिँ । देखि नगर बिराग बिसरावहिं ॥

nāradādi sanakādi munīsā | darasana lāgi kosalādhīsā ||
dina prati sakala ajodhyā āvahim̐ | dekhi nagara birāga bisarāvahiṃ ||

जातरूप मनि रचित अटारीं । नाना रङ्ग रुचिर गच ढारीं ॥
पुर चहुँ पास कोट अति सुन्दर । रचे कँगूरा रङ्ग रङ्ग बर ॥

jātarūpa mani racita aṭārīṃ | nānā raṅga rucira gaca ḍhārīṃ ||
pura cahum̐ pāsa koṭa ati sundara | race kam̐gūrā raṅga raṅga bara ||

नव ग्रह निकर अनीक बनाई । जनु घेरी अमरावति आई ॥
महि बहु रङ्ग रचित गच काँचा । जो बिलोकि मुनिबर मन नाचा ॥

nava graha nikara anīka banāī | janu gherī amarāvati āī ||
mahi bahu raṅga racita gaca kām̐cā | jo biloki munibara mana nācā ||

धवल धाम ऊपर नल चुंबत । कलस मनहुँ रबि ससि दुति निन्दत ॥
बहु मनि रचित झरोखा भ्राजहिं । गृह गृह प्रति मनि दीप बिराजहिं ॥

dhavala dhāma ūpara nala cuṃbata | kalasa manahum̐ rabi sasi duti nindata ||
bahu mani racita jharokhā bhrājahiṃ | gṛha gṛha prati mani dīpa birājahiṃ ||