अध्याय 25: भाइयों की सेवा, लव-कुश का जन्म

सेवहिँ सानुकूल सब भाई । राम-चरन रति अति अधिकाई ॥
प्रभु सुख कमल बिलोकत रहहीं । कबहुँ कृपाल हमहिँ कछु कहहीं ॥

sevahim̐ sānukūla saba bhāī | rāma-carana rati ati adhikāī ||
prabhu sukha kamala bilokata rahahīṃ | kabahum̐ kṛpāla hamahim̐ kachu kahahīṃ ||

राम करहिँ भ्रातन्ह पर प्रीती । नाना भाँति सिखावहिँ नीती ॥
हरषित रहहिँ नगर के लोगा । करहिँ सकल सुर-दुर्लभ भोगा ॥

rāma karahim̐ bhrātanha para prītī | nānā bhām̐ti sikhāvahim̐ nītī ||
haraṣita rahahim̐ nagara ke logā | karahim̐ sakala sura-durlabha bhogā ||

अहनिसि बिधिहि मनावत रहहीँ । श्रीरघुबीर-चरन रति चहहीं ॥
दुइ सुत सुन्दर सीतां जाये । लव कुस बेद पुरानन्ह गाये ॥

ahanisi bidhihi manāvata rahahīm̐ | śrīraghubīra-carana rati cahahīṃ ||
dui suta sundara sītāṃ jāye | lava kusa beda purānanha gāye ||

दोउ बिजई बिनई गुन मन्दिर । हरि प्रतिबिम्ब मनहुँ अति सुन्दर ॥
दुइ दुइ सुत सब भ्रातन्ह केरे । भए रूप गुन सील घनेरे ॥

dou bijaī binaī guna mandira | hari pratibimba manahum̐ ati sundara ||
dui dui suta saba bhrātanha kere | bhae rūpa guna sīla ghanere ||