अध्याय 24: सीता की गृह-सेवा

कोटिन्ह बाजिमेध प्रभु कीन्हे । दान अनेक द्विजन्ह कहँ दीन्हे ॥
श्रुति पथ पालक धरम-धुरन्धर । गुनातीत अरु भोग-पुरन्दर ॥

koṭinha bājimedha prabhu kīnhe | dāna aneka dvijanha kaham̐ dīnhe ||
śruti patha pālaka dharama-dhurandhara | gunātīta aru bhoga-purandara ||

पति अनुकूल सदा रह सीता । सोभा खानि सुसील बिनीता ॥
जानति कृपासिन्धु प्रभुताई । सेवति चरन-कमल मन लाई ॥

pati anukūla sadā raha sītā | sobhā khāni susīla binītā ||
jānati kṛpāsindhu prabhutāī | sevati carana-kamala mana lāī ||

जद्यपि गृहँ सेवक सेवकिनी । बिपुल सकल सेवा-निधि गुनी ॥
निज कर गृह परिचरजा करई । रामचन्द्र आयसु अनुसरई ॥

jadyapi gṛham̐ sevaka sevakinī | bipula sakala sevā-nidhi gunī ||
nija kara gṛha paricarajā karaī | rāmacandra āyasu anusaraī ||

जेहि बिधि कृपासिन्धु सुख मानइ । सोइ कर श्री सेवा-विधि जानइ ॥
कौसल्यादि सासु गृह माहीं । सेवइ सबन्हि मान मद नाहीं ॥

jehi bidhi kṛpāsindhu sukha mānai | soi kara śrī sevā-vidhi jānai ||
kausalyādi sāsu gṛha māhīṃ | sevai sabanhi māna mada nāhīṃ ||

उमा रमा ब्रह्मादि बन्दिता । जगदम्बा सन्ततमनिन्दिता ॥

umā ramā brahmādi banditā | jagadambā santatamaninditā ||