अध्याय 21: रामराज्य में कोई दुःख नहीं

दैहिक दैविक भौतिक तापा । राम-राज नहिँ काहुहि ब्यापा ॥
सब नर करहिँ परसपर प्रीती । चलहिँ स्वधर्म निरत श्रुति नीती ॥

daihika daivika bhautika tāpā | rāma-rāja nahim̐ kāhuhi byāpā ||
saba nara karahim̐ parasapara prītī | calahim̐ svadharma nirata śruti nītī ||

चारिउ चरन धरम जग माहीं । पूरि रहा सपनेहुँ अघ नाहीँ ॥
राम भगति रत नर अरु नारी । सकल परम गति के अधिकारी ॥

cāriu carana dharama jaga māhīṃ | pūri rahā sapanehum̐ agha nāhīm̐ ||
rāma bhagati rata nara aru nārī | sakala parama gati ke adhikārī ||

अल्प-मृत्यु नहिँ कवनिउ पीरा । सब सुन्दर सब बिरुज सरीरा ॥
नहिँ दरिद्र कोउ दुखी न दीना । नहिं कोउ अबुध न लच्छन हीना ॥

alpa-mṛtyu nahim̐ kavaniu pīrā | saba sundara saba biruja sarīrā ||
nahim̐ daridra kou dukhī na dīnā | nahiṃ kou abudha na lacchana hīnā ||

सब निर्दंभ धर्मरत पुनी । नर अरु नारि चतुर सब गुनी ॥
सब गुनज्ञ पंडित सब ज्ञानी । सब कृतज्ञ नहिँ कपट सयानी ॥

saba nirdaṃbha dharmarata punī | nara aru nāri catura saba gunī ||
saba gunajña paṃḍita saba jñānī | saba kṛtajña nahim̐ kapaṭa sayānī ||