अध्याय 18: अंगद की विनती, मुझे न त्यागिए

सुनु सर्बज्ञ कृपा सुख सिन्धो । दीन दयाकर आरत बंधो ॥
मरती बेर नाथ मोहि बाली । गयउ तुम्हारेहि कोंछें घाली ॥

sunu sarbajña kṛpā sukha sindho | dīna dayākara ārata baṃdho ||
maratī bera nātha mohi bālī | gayau tumhārehi koṃcheṃ ghālī ||

असरन सरन बिरद सम्भारी । मोहि जनि तजहु भगत हितकारी ॥
मोरें तुम्ह प्रभु गुरु पितु माता । जाउँ कहाँ तजि पद-जलजाता ॥

asarana sarana birada sambhārī | mohi jani tajahu bhagata hitakārī ||
moreṃ tumha prabhu guru pitu mātā | jāum̐ kahām̐ taji pada-jalajātā ||

तुम्हहि बिचारि कहहु नरनाहा । प्रभु तजि भवन काज सम काहा ॥
बालक ज्ञान बुद्धि बल हीना । राखहु सरल नाथ जन दीना ॥

tumhahi bicāri kahahu naranāhā | prabhu taji bhavana kāja sama kāhā ||
bālaka jñāna buddhi bala hīnā | rākhahu sarala nātha jana dīnā ||

नीचि टहल गृह के सब करिहउँ । पद-पङ्कज बिलोकि भव तरिहउँ ॥
अस कहि चरन परेउ प्रभु पाही । अब जनि नाथ कहहु गृह जाही ॥

nīci ṭahala gṛha ke saba karihaum̐ | pada-paṅkaja biloki bhava tarihaum̐ ||
asa kahi carana pareu prabhu pāhī | aba jani nātha kahahu gṛha jāhī ||