अध्याय 17: सखाओं को वस्त्र-भूषण, अंगद बैठे रहते हैं

सुनि प्रभु बचन मगन सब भये । को हम कहाँ बिसरि तन गये ॥
एकटक रहे जोरि कर आगे । सकहिं न कछु कहि अति अनुरागे ॥

suni prabhu bacana magana saba bhaye | ko hama kahām̐ bisari tana gaye ||
ekaṭaka rahe jori kara āge | sakahiṃ na kachu kahi ati anurāge ||

परम प्रेम तिन्ह कर प्रभु देखा । कहा बिबिध विधि ज्ञान बिसेखा ॥
प्रभु सनमुख कछु कहत न पारहिं । पुनि पुनि चरन-सरोज निहारहिँ ॥

parama prema tinha kara prabhu dekhā | kahā bibidha vidhi jñāna bisekhā ||
prabhu sanamukha kachu kahata na pārahiṃ | puni puni carana-saroja nihārahim̐ ||

तब प्रभु भूषन बसन मगाए । नाना रङ्ग अनूप सुहाये ॥
सुग्रीवहिं प्रथमहिँ पहिराये । बसन भरत निज़ हाथ बनाये ॥

taba prabhu bhūṣana basana magāe | nānā raṅga anūpa suhāye ||
sugrīvahiṃ prathamahim̐ pahirāye | basana bharata niza hātha banāye ||

प्रभु प्रेरित लछिमन पहिराये । लङ्कापति रघुपति मन भाये ॥
अङ्गद बैठ रहा नहिँ डोला । प्रीति देखि प्रभु ताहि न बोला ॥

prabhu prerita lachimana pahirāye | laṅkāpati raghupati mana bhāye ||
aṅgada baiṭha rahā nahim̐ ḍolā | prīti dekhi prabhu tāhi na bolā ||