अध्याय 16: श्रीराम सखाओं को घर लौटने को कहते हैं

बिसरे गृह सपनेहुँ सुधि नाहीँ । जिमिपर-द्रोह सन्त मन माही ॥
तब रघुपति सब सखा बोलाये । आइ सबन्हि सादर सिरु नाए ॥

bisare gṛha sapanehum̐ sudhi nāhīm̐ | jimipara-droha santa mana māhī ||
taba raghupati saba sakhā bolāye | āi sabanhi sādara siru nāe ||

परम प्रीति समीप बैठारे । भगत सुखद मृदु बचन उचारे ॥
तुम्ह अति कीन्ह मोरि सेवकाई । मुख पर केहि बिधि करौँ बड़ाई ॥

parama prīti samīpa baiṭhāre | bhagata sukhada mṛdu bacana ucāre ||
tumha ati kīnha mori sevakāī | mukha para kehi bidhi karaum̐ bar̤āī ||

तातें मोहि तुम्ह अति प्रिय लागे । मम हित लागि भवन सुख त्यागे ॥
अनुज राज सम्पति बैदेही । देह गेह परिवार सनेही ॥

tāteṃ mohi tumha ati priya lāge | mama hita lāgi bhavana sukha tyāge ||
anuja rāja sampati baidehī | deha geha parivāra sanehī ||

सब मम प्रिय नहिँ तुम्हहिँ समाना । मृषा न कहउँ मोर यह माना ॥
सब के प्रिय सेवक यह नीती । मोरें अधिक दास पर प्रीती ॥

saba mama priya nahim̐ tumhahim̐ samānā | mṛṣā na kahaum̐ mora yaha mānā ||
saba ke priya sevaka yaha nītī | moreṃ adhika dāsa para prītī ||