अध्याय 127: धन्य वे जिनका मन राम में रमा

सोइ सर्वज्ञ गुनी सोइ ज्ञाता । सोइ महि मंडित पंडित दाता ॥
धर्म परायन सोइ कुल त्राता । राम चरन जा कर मन राता ॥

soi sarvajña gunī soi jñātā | soi mahi maṃḍita paṃḍita dātā ||
dharma parāyana soi kula trātā | rāma carana jā kara mana rātā ||

नीति निपुन सोइ परम सयाना । श्रुति सिद्धान्त नीक तेहिं जाना ॥
सोइ कबि कोबिद सोइ रनधीरा । जो छल छाडि भजइ रघुबीरा ॥

nīti nipuna soi parama sayānā | śruti siddhānta nīka tehiṃ jānā ||
soi kabi kobida soi ranadhīrā | jo chala chāḍi bhajai raghubīrā ||

धन्य देस सो जहँ सुरसरी । धन्य नारि पतिव्रत अनुसरी ॥
धन्य सो भूप नीति जो करई । धन्य सो द्विज निज धर्म न टरई ॥

dhanya desa so jaham̐ surasarī | dhanya nāri pativrata anusarī ||
dhanya so bhūpa nīti jo karaī | dhanya so dvija nija dharma na ṭaraī ||

सो धन धन्य प्रथम गति जाकी । धन्य पुन्य रत मति सोइ पाकी ॥
धन्य घरी सोइ जब सतसङ्गा । धन्य जनम द्विज भगति अभंगा ॥

so dhana dhanya prathama gati jākī | dhanya punya rata mati soi pākī ||
dhanya gharī soi jaba satasaṅgā | dhanya janama dvija bhagati abhaṃgā ||