अध्याय 126: शिव भवानी से: सब साधनों का फल

कहेउँ परम पुनीत इतिहासा । सुनत सवन छूटहिँ भव पासा ॥
प्रनत कल्पतरु करुना पुञ्जा । उपजइ प्रीति राम-पद कञ्जा ॥

kaheum̐ parama punīta itihāsā | sunata savana chūṭahim̐ bhava pāsā ||
pranata kalpataru karunā puñjā | upajai prīti rāma-pada kañjā ||

मन क्रम करम जनित अघ जाई । सुनहिँ जे कथा श्रवन मन लाई ॥
तीर्थाटन साधन समुदाई । जोग बिराग ग्यान निपुनाई ॥

mana krama karama janita agha jāī | sunahim̐ je kathā śravana mana lāī ||
tīrthāṭana sādhana samudāī | joga birāga gyāna nipunāī ||

नाना कर्म धर्म ब्रत दाना । सञ्जम दम जप तप मख नाना ॥
भूत दया द्विज गुरु सेवकाई । विद्या विनय बिबेक बड़ाई ॥

nānā karma dharma brata dānā | sañjama dama japa tapa makha nānā ||
bhūta dayā dvija guru sevakāī | vidyā vinaya bibeka bar̤āī ||

जहँ लगि साधन बेद बखानी । सब कर फल हरि भगति भवानी ॥
सो रघुनाथ भगति श्रुति गाई । राम कृपाँ काहूँ एक पाई ॥

jaham̐ lagi sādhana beda bakhānī | saba kara phala hari bhagati bhavānī ||
so raghunātha bhagati śruti gāī | rāma kṛpām̐ kāhūm̐ eka pāī ||