अध्याय 122: उपचार: रघुपति-भक्ति, संजीवनी बूटी

एहि बिधि सकल जीव जग रोगी । सोक हरष भय प्रीति बियोगी ॥
मानक रोग कछुक मैं गाये । हैं सब कें लखि बिरलेन्ह पाये ॥

ehi bidhi sakala jīva jaga rogī | soka haraṣa bhaya prīti biyogī ||
mānaka roga kachuka maiṃ gāye | haiṃ saba keṃ lakhi biralenha pāye ||

जाने से छीजहिं कछु पापी । नास न पावहिं जन परितापी ॥
विषय कुपथ्य पाइ अङ्कुरे । मुनिहु हृदयँ का नर बापुरे ॥

jāne se chījahiṃ kachu pāpī | nāsa na pāvahiṃ jana paritāpī ||
viṣaya kupathya pāi aṅkure | munihu hṛdayam̐ kā nara bāpure ||

रामकृपा नाहिं सब रोगा । जौँ एहि भाँति बनइ संयोगा ॥
सदगुरु बैद बचन बिस्वासा । सञ्जम यह न विषय के आसा ॥

rāmakṛpā nāhiṃ saba rogā | jaum̐ ehi bhām̐ti banai saṃyogā ||
sadaguru baida bacana bisvāsā | sañjama yaha na viṣaya ke āsā ||

रघुपति भगति सजीवन मूरी । अनूपान श्रद्धा मति पूरी ॥
एहि विधि भलेहिं सो रोग नसाहीं । नाहिँ त जतन कोटि नहिं जाहीं ॥

raghupati bhagati sajīvana mūrī | anūpāna śraddhā mati pūrī ||
ehi vidhi bhalehiṃ so roga nasāhīṃ | nāhim̐ ta jatana koṭi nahiṃ jāhīṃ ||

जानिय तब मन बिरुज गोसाँई । जब उर बल बिराग अधिकाई ॥
सुमति छुधा बाढइ नित नई । विषय आस दुर्बलता गई ॥

jāniya taba mana biruja gosām̐ī | jaba ura bala birāga adhikāī ||
sumati chudhā bāḍhai nita naī | viṣaya āsa durbalatā gaī ||

बिमल ज्ञान जल जब सो नहाई । तब रह राम भगति उर छाई ॥
सिव अज सुक सनकादिक नारद । जे मुनि ब्रह्म बिचार बिसारद ॥

bimala jñāna jala jaba so nahāī | taba raha rāma bhagati ura chāī ||
siva aja suka sanakādika nārada | je muni brahma bicāra bisārada ||

सब कर मत खगनायक एहा । करिय राम-पद पङ्कज नेहा ॥
श्रुति पुरान सब ग्रंथ कहाहीं । रघुपति भगति बिना सुख नाहीं ॥

saba kara mata khaganāyaka ehā | kariya rāma-pada paṅkaja nehā ||
śruti purāna saba graṃtha kahāhīṃ | raghupati bhagati binā sukha nāhīṃ ||

कमठ पीठ जामहिं बरु बारा । बन्ध्या-सुत बरु काहुहि मारा ॥
फूलहिँ नभ बरु बहुबिधि फूला । जीव न लह सुख हरि प्रतिकूला ॥

kamaṭha pīṭha jāmahiṃ baru bārā | bandhyā-suta baru kāhuhi mārā ||
phūlahim̐ nabha baru bahubidhi phūlā | jīva na laha sukha hari pratikūlā ||

तृषा जाइ बरु मृगजल पाना । बरु जामहिं सस सीस बिषाना ॥
अन्धकार बरु रबिहि नसावै । राम बिमुख न जीव सुख पावै ॥

tṛṣā jāi baru mṛgajala pānā | baru jāmahiṃ sasa sīsa biṣānā ||
andhakāra baru rabihi nasāvai | rāma bimukha na jīva sukha pāvai ||

हिम से अनल प्रगट बरु होई । बिमुख राम सुख पाव न कोई ॥

hima se anala pragaṭa baru hoī | bimukha rāma sukha pāva na koī ||

विनिच्श्रितं वदामि ते न अन्यथा बचांसि मे ।
हरिं नरा भजन्ति येऽतिदुस्तरं तरन्ति ते ॥

vinicśritaṃ vadāmi te na anyathā bacāṃsi me |
hariṃ narā bhajanti ye'tidustaraṃ taranti te ||