अध्याय 119: ज्ञान तलवार की धार, भक्ति से मुक्ति

ग्यान पन्थ कृपान कै धारा । परत खगेस होइ नहिँ बारा ॥
जो निर्विघ्न पन्थ निर्बहई । सो कैवल्य परम पद लहई ॥

gyāna pantha kṛpāna kai dhārā | parata khagesa hoi nahim̐ bārā ||
jo nirvighna pantha nirbahaī | so kaivalya parama pada lahaī ||

अति दुर्लभ कैवल्य परम पद । सन्त पुरान निगम आगम बद ॥
राम भजत सोइ मुकुति गोसाई । अनइच्छित आवइ बरिआई ॥

ati durlabha kaivalya parama pada | santa purāna nigama āgama bada ||
rāma bhajata soi mukuti gosāī | anaicchita āvai bariāī ||

जिमि थल बिनु जल रहि न सकाई । कोटि भाँति कोउ करइ उपाई ॥
तथा मोच्छ सुख सुनु खगराई । रहि न सकइ हरि भगति बिहाई ॥

jimi thala binu jala rahi na sakāī | koṭi bhām̐ti kou karai upāī ||
tathā moccha sukha sunu khagarāī | rahi na sakai hari bhagati bihāī ||

अस बिचारि हरि भगत सयाने । मुक्ति निरादर भगति लुभाने ॥
भगति करत बिनु जतन प्रयासा । संसृति मूल अबिद्या नासा ॥

asa bicāri hari bhagata sayāne | mukti nirādara bhagati lubhāne ||
bhagati karata binu jatana prayāsā | saṃsṛti mūla abidyā nāsā ||

भोजन करिय तृपिति हित लागी । जिमि सो असन पचवै जठरागी ॥
असि हरिभगति सुगम सुखदाई । को अस मूढ़ न जाहि सोहाई ॥

bhojana kariya tṛpiti hita lāgī | jimi so asana pacavai jaṭharāgī ||
asi haribhagati sugama sukhadāī | ko asa mūr̤ha na jāhi sohāī ||