अध्याय 9: रावण का प्रलोभन, सीता का उत्तर

तरु पल्लव महँ रहा लुकाई । करइ विचार करउँ का भाई ॥
तेहि अवसर रावन तहँ आवा । सङ्ग नारि बहु किये बनावा ॥

taru pallava maham̐ rahā lukāī | karai vicāra karaum̐ kā bhāī ||
tehi avasara rāvana taham̐ āvā | saṅga nāri bahu kiye banāvā ||

बहु बिधि खल सीतहि समुझावा । साम दाम भय भेद देखावा ॥
कह रावन सुनु सुमुखि सयानी । मन्दोदरी आदि सब रानी ॥

bahu bidhi khala sītahi samujhāvā | sāma dāma bhaya bheda dekhāvā ||
kaha rāvana sunu sumukhi sayānī | mandodarī ādi saba rānī ||

तव अनुचरीं करउँ पन मोरा । एक बार बिलोकु मम ओरा ॥
तृन धरि ओट कहति बैदेही । सुमिरि अवधपति परम-सनेही ॥

tava anucarīṃ karaum̐ pana morā | eka bāra biloku mama orā ||
tṛna dhari oṭa kahati baidehī | sumiri avadhapati parama-sanehī ||

सुनु दसमुख खद्योत प्रकासा । कबहुँ कि नलिनी करइ बिकासा ॥
अस मन समुझु कहति जानकी । खल सुधि नहिँ रघुबीर बान की ॥

sunu dasamukha khadyota prakāsā | kabahum̐ ki nalinī karai bikāsā ||
asa mana samujhu kahati jānakī | khala sudhi nahim̐ raghubīra bāna kī ||

सठ सूने हरि आनेहि मोही । अधम निलज्ज लाज नहिँ तोही ॥

saṭha sūne hari ānehi mohī | adhama nilajja lāja nahim̐ tohī ||