अध्याय 8: अशोक वाटिका में सीता के दर्शन

जानतहूँ अस स्वामि बिसारी । फिरहिँ ते काहे न होहिँ दुखारी ॥
एहि बिधि कहत राम-गुन-ग्रामा । पावा अनिर्वाच्य बिस्रामा ॥

jānatahūm̐ asa svāmi bisārī | phirahim̐ te kāhe na hohim̐ dukhārī ||
ehi bidhi kahata rāma-guna-grāmā | pāvā anirvācya bisrāmā ||

पुनि सब कथा बिभीषन कही । जेहि बिधि जनक-सुता तहँ रही ॥
तब हनुमन्त कहा सुनु भ्राता । देखा चहउँ जानकी माता ॥

puni saba kathā bibhīṣana kahī | jehi bidhi janaka-sutā taham̐ rahī ||
taba hanumanta kahā sunu bhrātā | dekhā cahaum̐ jānakī mātā ||

जुगुति बिभीषन सकल सुनाई । चलेउ पवन-सुत बिदा कराई ॥
करि सोइ रूप गयउ पुनि तहवाँ । बन असोक सीता रह जहवाँ ॥

juguti bibhīṣana sakala sunāī | caleu pavana-suta bidā karāī ||
kari soi rūpa gayau puni tahavām̐ | bana asoka sītā raha jahavām̐ ||

देखि मनहिँ महँ कीन्ह प्रनामा । बैठेहिं बीति जात निसि जामा ॥
कृस तनु सीस जटा एक बेनी । जपति हृदयँ रघुपति गुन श्रेणी ॥

dekhi manahim̐ maham̐ kīnha pranāmā | baiṭhehiṃ bīti jāta nisi jāmā ||
kṛsa tanu sīsa jaṭā eka benī | japati hṛdayam̐ raghupati guna śreṇī ||