अध्याय 59: समुद्र की शरण और क्षमा याचना

सभय सिन्धु गहि पद प्रभु केरे । छमहु नाथ सब अवगुन मेरे ॥
गगन समीर अनल जल धरनी । इन्ह कइ नाथ सहज जड़ करनी ॥

sabhaya sindhu gahi pada prabhu kere | chamahu nātha saba avaguna mere ||
gagana samīra anala jala dharanī | inha kai nātha sahaja jar̤a karanī ||

तव प्रेरित मायाँ उपजाये । सृष्टि हेतु सब ग्रंथनि गाये ॥
प्रभु आयसु जेहि कहँ जसि अहई । सो तेहि भाँति रहे सुख लहई ॥

tava prerita māyām̐ upajāye | sṛṣṭi hetu saba graṃthani gāye ||
prabhu āyasu jehi kaham̐ jasi ahaī | so tehi bhām̐ti rahe sukha lahaī ||

प्रभु भल कीन्ही मोहि सिख दीन्ही । मरजादा पुनि तुम्हरी कीन्ही ॥
ढोल गवाँर सूद्र पसु नारी । सकल ताड़ना के अधिकारी ॥

prabhu bhala kīnhī mohi sikha dīnhī | marajādā puni tumharī kīnhī ||
ḍhola gavām̐ra sūdra pasu nārī | sakala tār̤anā ke adhikārī ||

प्रभु प्रताप मैँ जाब सुखाई । उतरिहि कटक न मोरि बड़ाई ॥
प्रभु आज्ञा अपेल स्रुति गाई । करउ सो बेगि जो तुम्हहिँ सोहाई ॥

prabhu pratāpa maim̐ jāba sukhāī | utarihi kaṭaka na mori bar̤āī ||
prabhu ājñā apela sruti gāī | karau so begi jo tumhahim̐ sohāī ||