अध्याय 58: समुद्र पर श्रीराम का धनुष

लछिमन बान सरासन आनू । सोषौं बारिधि बिसिख-कृसानू ॥
सठ सन बिनय कुटिल सन प्रीति । सहज कृपन सन सुन्दर नीती ॥

lachimana bāna sarāsana ānū | soṣauṃ bāridhi bisikha-kṛsānū ||
saṭha sana binaya kuṭila sana prīti | sahaja kṛpana sana sundara nītī ||

ममता रत सन ज्ञान कहानी । अति लोभी सन बिरति बखानी ॥
क्रोधिहि सम कामिहि हरि कथा । उसर बीज बये फल जथा ॥

mamatā rata sana jñāna kahānī | ati lobhī sana birati bakhānī ||
krodhihi sama kāmihi hari kathā | usara bīja baye phala jathā ||

अस कहि रघुपति चाप बढ़ावा । यह मत लछिमन के मन भावा ॥
संघानेउ प्रभु बिसिख कराला । उठी उदधि उर अन्तर ज्वाला ॥

asa kahi raghupati cāpa bar̤hāvā | yaha mata lachimana ke mana bhāvā ||
saṃghāneu prabhu bisikha karālā | uṭhī udadhi ura antara jvālā ||

मकर उरग झष-गन अकुलाने । जरत जन्तु जलनिधि जब जाने ॥
कनक थार भरि मनि गन नाना । बिप्र रूप आयउ तजि माना ॥

makara uraga jhaṣa-gana akulāne | jarata jantu jalanidhi jaba jāne ||
kanaka thāra bhari mani gana nānā | bipra rūpa āyau taji mānā ||