अध्याय 52: जासूस पकड़े गए, पत्र देकर छोड़े गए

प्रगट बखानहिँ राम सुभाऊ । अति सप्रेम गा बिसरि दुराऊ ॥
रिपु के दूत कपिन्ह तब जाने । सकल बाँधि कपीस पहिँ आने ॥

pragaṭa bakhānahim̐ rāma subhāū | ati saprema gā bisari durāū ||
ripu ke dūta kapinha taba jāne | sakala bām̐dhi kapīsa pahim̐ āne ||

कह सुग्रीव सुनहु सब बानर । अङ्ग भङ्ग करि पठवहु निसिचर ॥
सुनि सुग्रीव बचन कपि धाये । बाँधि कटक चहुँ पास फिराये ॥

kaha sugrīva sunahu saba bānara | aṅga bhaṅga kari paṭhavahu nisicara ||
suni sugrīva bacana kapi dhāye | bām̐dhi kaṭaka cahum̐ pāsa phirāye ||

बहु प्रकार मारन कपि लागे । दीन पुकारत तदपि न त्यागे ॥
जो हमार हर नासा काना । तेहि कोसलाधीस कै आना ॥

bahu prakāra mārana kapi lāge | dīna pukārata tadapi na tyāge ||
jo hamāra hara nāsā kānā | tehi kosalādhīsa kai ānā ||

सुनि लछिमन सब निकट बोलाये । दया लागि हँसि तुरत छोड़ाये ॥
रावन कर दीजहु यह पाती । लछिमन बचन बाचु कुलघाती ॥

suni lachimana saba nikaṭa bolāye | dayā lāgi ham̐si turata chor̤āye ||
rāvana kara dījahu yaha pātī | lachimana bacana bācu kulaghātī ||