अध्याय 48: श्रीराम बताते हैं, कौन उन्हें प्रिय है

सुनहु सखा निज कहउँ सुभाऊ । जान भुसुंडि सम्भु गिरिजाऊँ ॥
जौं नर होइ चराचर द्रोही । आवइ सभय सरन तकि मोही ॥

sunahu sakhā nija kahaum̐ subhāū | jāna bhusuṃḍi sambhu girijāūm̐ ||
jauṃ nara hoi carācara drohī | āvai sabhaya sarana taki mohī ||

तजि मद मोह कपट छल नाना । करउँ सदा तेहि साधु समाना ॥
जननी जनक बन्धु सुत दारा । तन धन भवन सुह्रद परिवारा ॥

taji mada moha kapaṭa chala nānā | karaum̐ sadā tehi sādhu samānā ||
jananī janaka bandhu suta dārā | tana dhana bhavana suhrada parivārā ||

सब के ममता ताग बटोरी । मम पद मनहि बाँध बरि डोरी ॥
समदरसी इच्छा कछु नाहीँ । हरष सोक भय नहिँ मन माहीँ ॥

saba ke mamatā tāga baṭorī | mama pada manahi bām̐dha bari ḍorī ||
samadarasī icchā kachu nāhīm̐ | haraṣa soka bhaya nahim̐ mana māhīm̐ ||

अस सज्जन मम उर बस कैसें । लोभी हृदयँ बसइ धनु जैसें ॥
तुम्ह सारिखे सन्त प्रिय मोरें । धरउँ देह नहिँ आन निहोरें ॥

asa sajjana mama ura basa kaiseṃ | lobhī hṛdayam̐ basai dhanu jaiseṃ ||
tumha sārikhe santa priya moreṃ | dharaum̐ deha nahim̐ āna nihoreṃ ||