अध्याय 47: विभीषण का अहोभाग्य

तब लगि हृदयँ बसत खल नाना । लोभ मोह मच्छर मद माना ॥
जब लगि उर न बसत रघुनाथा । धरें चाप सायक कटि भाथा ॥

taba lagi hṛdayam̐ basata khala nānā | lobha moha macchara mada mānā ||
jaba lagi ura na basata raghunāthā | dhareṃ cāpa sāyaka kaṭi bhāthā ||

ममता तरुन तमी अँधिआरी । राग द्वेष उलूक सुखकारी ॥
तब लगि बसति जीव मन माहीं । जब लगि प्रभु प्रताप रवि नाहीं ॥

mamatā taruna tamī am̐dhiārī | rāga dveṣa ulūka sukhakārī ||
taba lagi basati jīva mana māhīṃ | jaba lagi prabhu pratāpa ravi nāhīṃ ||

अब मैं कुसल मिटे भय भारे । देखि राम-पद-कमल तुम्हारे ॥
तुम्ह कृपाल जा पर अनुकूला । ताहि न व्याप त्रिबिधि भव सूला ॥

aba maiṃ kusala miṭe bhaya bhāre | dekhi rāma-pada-kamala tumhāre ||
tumha kṛpāla jā para anukūlā | tāhi na vyāpa tribidhi bhava sūlā ||

मैँ निसिचर अति अधम सुभाऊ । सुभ आचरन कीन्ह नहिँ काऊ ॥
जासु रूप मुनि ध्यान न आवा । तेहिं प्रभु हरषि हृदयँ मोहि लावा ॥

maim̐ nisicara ati adhama subhāū | subha ācarana kīnha nahim̐ kāū ||
jāsu rūpa muni dhyāna na āvā | tehiṃ prabhu haraṣi hṛdayam̐ mohi lāvā ||