अध्याय 41: रावण का विभीषण को लात मारना

बुध-पुरान-स्रुति-सम्मत बानी । कही बिभीषन नीति बखानी ॥
सुनत दसानन उठा रिसाई । खल तोहि निकट मृत्यु अब आई ॥

budha-purāna-sruti-sammata bānī | kahī bibhīṣana nīti bakhānī ||
sunata dasānana uṭhā risāī | khala tohi nikaṭa mṛtyu aba āī ||

जिअसि सदा सठ मोर जिआवा । रिपु कर पच्छ मूढ़ तोहि भावा ॥
कहसि न खल अस को जग माहीँ । भुज बल जाहि जिता मैं नाहीं ॥

jiasi sadā saṭha mora jiāvā | ripu kara paccha mūr̤ha tohi bhāvā ||
kahasi na khala asa ko jaga māhīm̐ | bhuja bala jāhi jitā maiṃ nāhīṃ ||

मम पुर बसि तपसिन्ह पर प्रीती । सठ मिलु जाइ तिन्हहिँ कहु नीती ॥
अस कहि कीन्हेसि चरन प्रहारा । अनुज गहे पद बारहिँ बारा ॥

mama pura basi tapasinha para prītī | saṭha milu jāi tinhahim̐ kahu nītī ||
asa kahi kīnhesi carana prahārā | anuja gahe pada bārahim̐ bārā ||

उमा सन्त कइ इहइ बड़ाई । मन्द करत जो करई भलाई ॥
तुम्ह पितु-सरिस भलेहिं मोहि मारा । अस कहि कीन्हेसि चरन प्रहारा ॥

umā santa kai ihai bar̤āī | manda karata jo karaī bhalāī ||
tumha pitu-sarisa bhalehiṃ mohi mārā | asa kahi kīnhesi carana prahārā ||

सचिव सङ्ग लेइ नभ-पथ गयऊ । सबहि सुनाइ कहत अस भयऊ ॥

saciva saṅga lei nabha-patha gayaū | sabahi sunāi kahata asa bhayaū ||