अध्याय 38: सभा में विभीषण का परामर्श

सोइ रावन कह बनी सहाई । अस्तुति करहिँ सुनाइ सुनाई ॥
अवसर जाति बिभीषन आवा । भ्राता चरन सीस तेहिं नावा ॥

soi rāvana kaha banī sahāī | astuti karahim̐ sunāi sunāī ||
avasara jāti bibhīṣana āvā | bhrātā carana sīsa tehiṃ nāvā ||

पुनि सिर नाइ बैठ निज आसन । बोला बचन पाइ अनुसासन ॥
जौँ कृपाल पूँछिहु मोहि बाता । मति अनुरूप कहउँ हित ताता ॥

puni sira nāi baiṭha nija āsana | bolā bacana pāi anusāsana ||
jaum̐ kṛpāla pūm̐chihu mohi bātā | mati anurūpa kahaum̐ hita tātā ||

जो आपन चाहै कल्याना । सुजस सुमति सुभ गति सुख नाना ॥
सो पर-नारि लिलार गोसाँई । तजइ चउथि के चन्द कि नाई ॥

jo āpana cāhai kalyānā | sujasa sumati subha gati sukha nānā ||
so para-nāri lilāra gosām̐ī | tajai cauthi ke canda ki nāī ||

चौदह भुवन एक पति होई । भूतद्रोह तिष्टइ नहिं सोई ॥
गुन सागर नागर नर जोऊ । अलप-लोभ भल कहइ न कोऊ ॥

caudaha bhuvana eka pati hoī | bhūtadroha tiṣṭai nahiṃ soī ||
guna sāgara nāgara nara joū | alapa-lobha bhala kahai na koū ||