अध्याय 36: मन्दोदरी की रावण से विनती

उहाँ निसाचर रहहिं ससङ्का । जब तें जारि गयउ कपि लड्डा ॥
निज निज गृहँ सब करहिँ विचारा । नहिं निसिचर कुल केर उबारा ॥

uhām̐ nisācara rahahiṃ sasaṅkā | jaba teṃ jāri gayau kapi laḍḍā ||
nija nija gṛham̐ saba karahim̐ vicārā | nahiṃ nisicara kula kera ubārā ||

जासु दूत बल बरनि न जाई । तेहि आये पुर कवन भलाई ॥
दूतन्हि सन सुनि पुरजन बानी । मन्दोदरी अधिक अकुलानी ॥

jāsu dūta bala barani na jāī | tehi āye pura kavana bhalāī ||
dūtanhi sana suni purajana bānī | mandodarī adhika akulānī ||

रहसि जोरि कर पति पद लागी । बोली बचन नीति-रस पागी ॥
कन्त करष हरि सन परिहरहू । मोर कहा अति हित हियँ धरहु ॥

rahasi jori kara pati pada lāgī | bolī bacana nīti-rasa pāgī ||
kanta karaṣa hari sana pariharahū | mora kahā ati hita hiyam̐ dharahu ||

समुझत जासु दूत कइ करनी । स्रवहिं गर्भ रजनीचर-धरनी ॥
तासु नारि निज सचिव बोलाई । पठवहु कन्त जौँ चहहु भलाई ॥

samujhata jāsu dūta kai karanī | sravahiṃ garbha rajanīcara-dharanī ||
tāsu nāri nija saciva bolāī | paṭhavahu kanta jaum̐ cahahu bhalāī ||

तब कुल कमल-विपिन दुखदाई । सीता सीत-निसा सम आई ॥
सुनहु नाथ सीता बिनु दीन्हें । हित न तुम्हार सम्भु अज कीन्हें ॥

taba kula kamala-vipina dukhadāī | sītā sīta-nisā sama āī ||
sunahu nātha sītā binu dīnheṃ | hita na tumhāra sambhu aja kīnheṃ ||