अध्याय 30: जाम्बवान की प्रशंसा, सीता के विषय में प्रश्न

जामवन्त कह सुनु रघुराया । जा पर नाथ करहु तुम्ह दाया ॥
ताहि सदा सुभ कुसल निरन्तर । सुर नर मुनि प्रसन्न ता ऊपर ॥

jāmavanta kaha sunu raghurāyā | jā para nātha karahu tumha dāyā ||
tāhi sadā subha kusala nirantara | sura nara muni prasanna tā ūpara ||

सोइ बिजई बिनई गुन-सागर । तासु सुजस त्रय लोक उजागर ॥
प्रभु कीं कृपा भयउ सब काजू । जनम हमार सुफल भा आजू ॥

soi bijaī binaī guna-sāgara | tāsu sujasa traya loka ujāgara ||
prabhu kīṃ kṛpā bhayau saba kājū | janama hamāra suphala bhā ājū ||

नाथ पवन-सुत कीन्हि जो करनी । सहसहुँ मुख न जाइ सो बरनी ॥
पवन-तनय के चरित सुहाये । जामवन्त रघुपतिहि सुनाये ॥

nātha pavana-suta kīnhi jo karanī | sahasahum̐ mukha na jāi so baranī ||
pavana-tanaya ke carita suhāye | jāmavanta raghupatihi sunāye ||

सुनत कृपानिधि मन अति भाये । पुनि हनुमान हरषि हियँ लाये ॥
कहहु तात केहि भाँति जानकी । रहति करति रच्छा स्व प्रान की ॥

sunata kṛpānidhi mana ati bhāye | puni hanumāna haraṣi hiyam̐ lāye ||
kahahu tāta kehi bhām̐ti jānakī | rahati karati racchā sva prāna kī ||