अध्याय 29: स्फटिक शिला पर श्रीराम से भेंट

जौँ न होति सीता सुधि पाई । मधुबन के फल सकहिँ कि खाई ॥
एहि विधि मन बिचार कर राजा । आइ गए कपि सहित समाजा ॥

jaum̐ na hoti sītā sudhi pāī | madhubana ke phala sakahim̐ ki khāī ||
ehi vidhi mana bicāra kara rājā | āi gae kapi sahita samājā ||

आइ सबन्हि नावा पद सीसा । मिलेउ सबन्हि अति प्रीति कपीसा ॥
पूछी कुसल कुसल पद देखी । राम कृपाँ भा काज बिसेखी ॥

āi sabanhi nāvā pada sīsā | mileu sabanhi ati prīti kapīsā ||
pūchī kusala kusala pada dekhī | rāma kṛpām̐ bhā kāja bisekhī ||

नाथ काज कीन्हेउ हनुमाना । राखे सकल कपिन्ह के प्राना ॥
सुनि सुग्रीव बहुरि तेहि मिलेऊ । कपिन्ह सहित रघुपति पहिँ चलेऊ ॥

nātha kāja kīnheu hanumānā | rākhe sakala kapinha ke prānā ||
suni sugrīva bahuri tehi mileū | kapinha sahita raghupati pahim̐ caleū ||

राम कपिन्ह जब आवत देखा । किये काज मन हरष बिसेखा ॥
फटिक सिला बैठे दोउ भाई । परे सकल कपि चरनन्हि जाई ॥

rāma kapinha jaba āvata dekhā | kiye kāja mana haraṣa bisekhā ||
phaṭika silā baiṭhe dou bhāī | pare sakala kapi carananhi jāī ||