अध्याय 21: हनुमान रावण को अपने स्वामी बताते हैं

कह लङ्केस कवन तैँ कीसा । केहिं के बल घालेहि बन खीसा ॥
की धौं स्रवन सुनेहि नहिं मोही । देखउँ अति असङ्क सठ तोही ॥

kaha laṅkesa kavana taim̐ kīsā | kehiṃ ke bala ghālehi bana khīsā ||
kī dhauṃ sravana sunehi nahiṃ mohī | dekhaum̐ ati asaṅka saṭha tohī ||

मारे निसिचर केहिं अपराधा । कहु सठ तोहि न प्रान कै बाधा ॥
सुनु रावन ब्रह्मांड निकाया । पाइ जासु बल बिरचित माया ॥

māre nisicara kehiṃ aparādhā | kahu saṭha tohi na prāna kai bādhā ||
sunu rāvana brahmāṃḍa nikāyā | pāi jāsu bala biracita māyā ||

जाकें बल बिरञ्चि हरि ईसा । पालत सृजत हरत दससीसा ॥
जा बल सीस धरत सहसानन । अंडकोस समेत गिरि कानन ॥

jākeṃ bala birañci hari īsā | pālata sṛjata harata dasasīsā ||
jā bala sīsa dharata sahasānana | aṃḍakosa sameta giri kānana ||

धरइ जो विविध देह सुर-त्राता । तुम्ह से सठन्ह सिखावनु दाता ॥
हर-कोदंड कठिन जेहि भंजा । तोहि समेत नृप-दल मद गंजा ॥

dharai jo vividha deha sura-trātā | tumha se saṭhanha sikhāvanu dātā ||
hara-kodaṃḍa kaṭhina jehi bhaṃjā | tohi sameta nṛpa-dala mada gaṃjā ||

खर दूषन त्रिसिरा अरु बाली । बधे सकल अतुलित बल-साली ॥

khara dūṣana trisirā aru bālī | badhe sakala atulita bala-sālī ||