अध्याय 20: प्रभु के काज के लिए बँधकर दरबार में

ब्रह्मबान कपि कहँ तेहि मारा । परतिहुँ बार कटक सङ्घारा ॥
तेहि देखा कपि मुरुछित भयऊ । नागपास बाँधेसि लेइ गयऊ ॥

brahmabāna kapi kaham̐ tehi mārā | paratihum̐ bāra kaṭaka saṅghārā ||
tehi dekhā kapi muruchita bhayaū | nāgapāsa bām̐dhesi lei gayaū ||

जासु नाम जपि सुनहु भवानी । भव-बन्धन काटहिं नर ज्ञानी ॥
तासु दूत कि बन्ध तर आवा । प्रभु कारज लगि कपिहिं बँधावा ॥

jāsu nāma japi sunahu bhavānī | bhava-bandhana kāṭahiṃ nara jñānī ||
tāsu dūta ki bandha tara āvā | prabhu kāraja lagi kapihiṃ bam̐dhāvā ||

कपि-बन्धन सुनि निसिचर धाये । कौतुक लागि सभाँ सब आये ॥
दसमुख-सभा दीखि कपि जाई । कहि न जाइ कछु अति प्रभुताई ॥

kapi-bandhana suni nisicara dhāye | kautuka lāgi sabhām̐ saba āye ||
dasamukha-sabhā dīkhi kapi jāī | kahi na jāi kachu ati prabhutāī ||

कर जोरें सुर दिसिप विनीता । भृकुटि बिलोकत सकल सभीता ॥
देखि प्रताप न कपि मन सङ्का । जिमि अहि-गन महँ गरुड़ असङ्का ॥

kara joreṃ sura disipa vinītā | bhṛkuṭi bilokata sakala sabhītā ||
dekhi pratāpa na kapi mana saṅkā | jimi ahi-gana maham̐ garur̤a asaṅkā ||