अध्याय 19: मेघनाद से युद्ध और ब्रह्मास्त्र

सुनि सुत बध लंकेस रिसाना । पठएसि मेघनाद बलवाना ॥
मारसि जनि सुत बाँधेसु ताही । देखिय कपिहि कहाँ कर आही ॥

suni suta badha laṃkesa risānā | paṭhaesi meghanāda balavānā ||
mārasi jani suta bām̐dhesu tāhī | dekhiya kapihi kahām̐ kara āhī ||

चला इन्द्रजित अतुलित जोधा । बन्धु निधन सुनि उपजा क्रोधा ॥
कपि देखा दारुन भट आवा । कटकटाइ गर्जा अरु धावा ॥

calā indrajita atulita jodhā | bandhu nidhana suni upajā krodhā ||
kapi dekhā dāruna bhaṭa āvā | kaṭakaṭāi garjā aru dhāvā ||

अति बिसाल तरु एक उपारा । बिरथ कीन्ह लंकेस कुमारा ॥
रहे महाभट ताके सङ्गा । गहि गहि कपि मर्दइ निज अङ्गा ॥

ati bisāla taru eka upārā | biratha kīnha laṃkesa kumārā ||
rahe mahābhaṭa tāke saṅgā | gahi gahi kapi mardai nija aṅgā ||

तिन्हहिं निपाति ताहि सन बाजा । भिरे जुगल मानहुँ गजराजा ॥
मुठिका मारि चढ़ा तरु जाई । ताहि एक छन मुरछा आई ॥

tinhahiṃ nipāti tāhi sana bājā | bhire jugala mānahum̐ gajarājā ||
muṭhikā māri car̤hā taru jāī | tāhi eka chana murachā āī ||

उठि बहोरि कीन्हिसि बहु माया । जीति न जाइ प्रभंजन-माया ॥

uṭhi bahori kīnhisi bahu māyā | jīti na jāi prabhaṃjana-māyā ||