अध्याय 18: वाटिका उजड़ी, अक्षयकुमार मारा गया

चलेउ नाइ सिर पैठेउ बागा । फल खाएसि तरु तोरैं लागा ॥
रहे तहाँ बहु भट रखवारे । कछु मारेसि कछु जाइ पुकारे ॥

caleu nāi sira paiṭheu bāgā | phala khāesi taru toraiṃ lāgā ||
rahe tahām̐ bahu bhaṭa rakhavāre | kachu māresi kachu jāi pukāre ||

नाथ एक आवा कपि भारी । तेहिं असोक बाटिका उजारी ॥
खाएसि फल अरु बिटप उपारे । रच्छक मर्दि मर्दि महि डारे ॥

nātha eka āvā kapi bhārī | tehiṃ asoka bāṭikā ujārī ||
khāesi phala aru biṭapa upāre | racchaka mardi mardi mahi ḍāre ||

सुनि रावन पठये भट नाना । तिन्हहिँ देखि गर्जेउ हनुमाना ॥
सब रजनीचर कपि सङ्घारे । गये पुकारत कछु अधमारे ॥

suni rāvana paṭhaye bhaṭa nānā | tinhahim̐ dekhi garjeu hanumānā ||
saba rajanīcara kapi saṅghāre | gaye pukārata kachu adhamāre ||

पुनि पठयउ तेहिं अच्छकुमारा । चला सङ्ग लै सुभट अपारा ॥
आवत देखि बिटप गहि तर्जा । ताहि निपाति महाधुनि गर्जा ॥

puni paṭhayau tehiṃ acchakumārā | calā saṅga lai subhaṭa apārā ||
āvata dekhi biṭapa gahi tarjā | tāhi nipāti mahādhuni garjā ||