अध्याय 13: मुद्रिका और राम के दूत का परिचय

तब देखी मुद्रिका मनोहर । राम-नाम-अंकित अति सुन्दर ॥
चकित चितव मुदरी पहिचानी । हरष बिषाद हृदयँ अकुलानी ॥

taba dekhī mudrikā manohara | rāma-nāma-aṃkita ati sundara ||
cakita citava mudarī pahicānī | haraṣa biṣāda hṛdayam̐ akulānī ||

जीति को सकइ अजय रघुराई । माया तें असि रचि नहिं जाई ॥
सीता मन बिचार कर नाना । मधुर बचन बोलेउ हनुमाना ॥

jīti ko sakai ajaya raghurāī | māyā teṃ asi raci nahiṃ jāī ||
sītā mana bicāra kara nānā | madhura bacana boleu hanumānā ||

रामचन्द्र गुन बरनइ लागा । सुनतहिं सीता कर दुख भागा ॥
लागीँ सुनैं स्रवन मन लाई । आदिहु तेँ सब कथा सुनाई ॥

rāmacandra guna baranai lāgā | sunatahiṃ sītā kara dukha bhāgā ||
lāgīm̐ sunaiṃ sravana mana lāī | ādihu tem̐ saba kathā sunāī ||

स्रवनामृत जेहिं कथा सुनाई । कहिं सो प्रगट होत किन भाई ॥
तब हनुमन्त निकट चलि गयऊ । फिरि बैठी मन बिसमय भयऊ ॥

sravanāmṛta jehiṃ kathā sunāī | kahiṃ so pragaṭa hota kina bhāī ||
taba hanumanta nikaṭa cali gayaū | phiri baiṭhī mana bisamaya bhayaū ||

राम-दूत मैं मातु जानकी । सत्य सपथ करुनानिधान की ॥
यह मुद्रिका मातु मैँ आनी । दीन्हि राम तुम्ह कहँ सहिदानी ॥

rāma-dūta maiṃ mātu jānakī | satya sapatha karunānidhāna kī ||
yaha mudrikā mātu maim̐ ānī | dīnhi rāma tumha kaham̐ sahidānī ||

नर बानरहि सङ्ग कहु कैसें । कही कथा भइ सङ्गति जैसें ॥

nara bānarahi saṅga kahu kaiseṃ | kahī kathā bhai saṅgati jaiseṃ ||