अध्याय 1: हनुमान का लंका के लिए छलाँग लगाना

शान्तं शाश्वतमप्रमेयमनघं निर्वाणशान्तिप्रदं ।
ब्रह्माशम्भुफणीन्द्रसेव्यमनिशं वेदान्तवेद्यं विभुम् ॥
रामाख्यं जगदीश्वरं सुरगुरुं मायामनुष्यं हरिं ।
वन्देऽहं करुणाकरं रघुवरं भूपाल चूड़ामणिम् ॥

śāntaṃ śāśvatamaprameyamanaghaṃ nirvāṇaśāntipradaṃ |
brahmāśambhuphaṇīndrasevyamaniśaṃ vedāntavedyaṃ vibhum ||
rāmākhyaṃ jagadīśvaraṃ suraguruṃ māyāmanuṣyaṃ hariṃ |
vande'haṃ karuṇākaraṃ raghuvaraṃ bhūpāla cūr̤āmaṇim ||

नान्या स्पृहा रघुपते हृदयेऽस्मदीये ।
सत्यं वदामि च भवानखिलान्तरात्मा ॥
भक्तिं प्रयच्छ रघुपुङ्गव निर्भरां मे ।
कामादिदोषरहितं कुरु मानसं च ॥

nānyā spṛhā raghupate hṛdaye'smadīye |
satyaṃ vadāmi ca bhavānakhilāntarātmā ||
bhaktiṃ prayaccha raghupuṅgava nirbharāṃ me |
kāmādidoṣarahitaṃ kuru mānasaṃ ca ||

अतुलितबलधामं हेमशैलाभदेहं ।
दनुजवनकृशानुं ज्ञानिनामग्रगण्यम् ॥
सकलगुणनिधानं वानराणामधीशं ।
रघुपतिप्रियभक्तं वातजातं नमामि ॥

atulitabaladhāmaṃ hemaśailābhadehaṃ |
danujavanakṛśānuṃ jñānināmagragaṇyam ||
sakalaguṇanidhānaṃ vānarāṇāmadhīśaṃ |
raghupatipriyabhaktaṃ vātajātaṃ namāmi ||

जामवन्त के बचन सुहाये । सुनि हनुमन्त हृदय अति भाये ॥
तब लगि मोहि परिखेहु तुम्ह भाई । सहि दुख कन्द मूल फल खाई ॥

jāmavanta ke bacana suhāye | suni hanumanta hṛdaya ati bhāye ||
taba lagi mohi parikhehu tumha bhāī | sahi dukha kanda mūla phala khāī ||

जब लगि आवउँ सीतहि देखी । होइहि काज मोहि हरष बिसेखी ॥
अस कहि नाइ सबन्हि कहूँ माथा । चलेउ हरषि हियँ धरि रघुनाथा ॥

jaba lagi āvaum̐ sītahi dekhī | hoihi kāja mohi haraṣa bisekhī ||
asa kahi nāi sabanhi kahūm̐ māthā | caleu haraṣi hiyam̐ dhari raghunāthā ||

सिन्धु तीर एक भूधर सुन्दर । कौतुक कूदि चढ़ेउ ता ऊपर ॥
बार बार रघुबीर सँभारी । तरकेउ पवन-तनय बल भारी ॥

sindhu tīra eka bhūdhara sundara | kautuka kūdi car̤heu tā ūpara ||
bāra bāra raghubīra sam̐bhārī | tarakeu pavana-tanaya bala bhārī ||

जेहिं गिरि चरन देइ हनुमन्ता । चलेउ सो गा पाताल तुरन्ता ॥
जिमि अमोघ रघुपति कर बाना । तेही भाँति चलेउ हनुमाना ॥

jehiṃ giri carana dei hanumantā | caleu so gā pātāla turantā ||
jimi amogha raghupati kara bānā | tehī bhām̐ti caleu hanumānā ||

जलनिधि रघुपति दूत बिचारी । तैं मैनाक होहि श्रमहारी ॥

jalanidhi raghupati dūta bicārī | taiṃ maināka hohi śramahārī ||