अध्याय 96: अनगिनत रावण और एक बाण

अन्तरधान भयउ छन एका । पुनि प्रगटे खल रूप अनेका ॥
रघुपति कटक भालु कपि जेते । जहँ तहाँ प्रगट दसानन तेते ॥

antaradhāna bhayau chana ekā | puni pragaṭe khala rūpa anekā ||
raghupati kaṭaka bhālu kapi jete | jaham̐ tahām̐ pragaṭa dasānana tete ||

देखे कपिन्ह अमित दससीसा । जहँ तहँ भजे भालु अरु कीसा ॥
भागे बानर धरहिँ न धीरा । त्राहि त्राहि लछिमन रघुबीरा ॥

dekhe kapinha amita dasasīsā | jaham̐ taham̐ bhaje bhālu aru kīsā ||
bhāge bānara dharahim̐ na dhīrā | trāhi trāhi lachimana raghubīrā ||

दहँ-दिसि धावहिँ कोटिन्ह रावन । गर्जहिं घोर कठोर भयावन ॥
डरे सकल सुर चले पराई । जय के आस तजहु अब भाई ॥

daham̐-disi dhāvahim̐ koṭinha rāvana | garjahiṃ ghora kaṭhora bhayāvana ||
ḍare sakala sura cale parāī | jaya ke āsa tajahu aba bhāī ||

सब सुर जिते एक दसकन्धर । अब बहु भए तकहु गिरि कन्दर ॥
रहे बिरञ्चि सम्भु मुनि ज्ञानी । जिन्ह जिन्ह प्रभु महिमा कछु जानी ॥

saba sura jite eka dasakandhara | aba bahu bhae takahu giri kandara ||
rahe birañci sambhu muni jñānī | jinha jinha prabhu mahimā kachu jānī ||