अध्याय 85: वानरों द्वारा रावण का यज्ञ विध्वंस

इहाँ बिभीषन सब सुधि पाई । सपदि जाइ रघुपतिहि सुनाई ॥
नाथ करइ रावन एक जागा । सिद्ध भये नहिँ मरिहि अभागा ॥

ihām̐ bibhīṣana saba sudhi pāī | sapadi jāi raghupatihi sunāī ||
nātha karai rāvana eka jāgā | siddha bhaye nahim̐ marihi abhāgā ||

पठवहु देव बेगि भट बन्दर । करहिँ बिधंस आव दसकन्धर ॥
प्रात होत प्रभु सुभट पठाये । हनुमदादि अङ्गद सब धाये ॥

paṭhavahu deva begi bhaṭa bandara | karahim̐ bidhaṃsa āva dasakandhara ||
prāta hota prabhu subhaṭa paṭhāye | hanumadādi aṅgada saba dhāye ||

कौतुक कूदि चढ़े कपि लङ्का । पैठे रावन भवन असङ्का ॥
जग्य करत जबहीं से देखा । सकल कपिन्ह भा क्रोध बिसेषा ॥

kautuka kūdi car̤he kapi laṅkā | paiṭhe rāvana bhavana asaṅkā ||
jagya karata jabahīṃ se dekhā | sakala kapinha bhā krodha biseṣā ||

रन से निलज भाजि गृह आवा । इहाँ आइ बक-ध्यान लगावा ॥
अस कहि अङ्गद मारा लाता । चितव न सठ स्वारथ मन राता ॥

rana se nilaja bhāji gṛha āvā | ihām̐ āi baka-dhyāna lagāvā ||
asa kahi aṅgada mārā lātā | citava na saṭha svāratha mana rātā ||