अध्याय 84: हनुमान का घूँसा, लक्ष्मण का उठकर रावण को हराना

जानु टेकि कपि भूमि न गिरा । उठा सँभारि बहुत रिस भरा ॥
मुठिका एक ताहि कपि भारा । परेउ सैल जनु बज्र प्रहारा ॥

jānu ṭeki kapi bhūmi na girā | uṭhā sam̐bhāri bahuta risa bharā ||
muṭhikā eka tāhi kapi bhārā | pareu saila janu bajra prahārā ||

मुरछा गै बहोरि से जागा । कपि बल बिपुल सराहन लागा ॥
धिग धिग मम पौरुष धिग मोही । जौँ तैं जिअत रहेसि सुरद्रोही ॥

murachā gai bahori se jāgā | kapi bala bipula sarāhana lāgā ||
dhiga dhiga mama pauruṣa dhiga mohī | jaum̐ taiṃ jiata rahesi suradrohī ||

अस कहि लछिमन कहँ कपि ल्यायो । देखि दसानन बिसमय पायो ॥
कह रघुबीर समुझु जियँ भ्राता । तुम्ह कृतान्त भच्छक सुर त्राता ॥

asa kahi lachimana kaham̐ kapi lyāyo | dekhi dasānana bisamaya pāyo ||
kaha raghubīra samujhu jiyam̐ bhrātā | tumha kṛtānta bhacchaka sura trātā ||

सुनत बचन उठि बैठ कृपाला । गई गगन सो सक्ति कराला ॥
पुनि कोदंड बान गहि धाये । रिपु सनमुख अति आतुर आये ॥

sunata bacana uṭhi baiṭha kṛpālā | gaī gagana so sakti karālā ||
puni kodaṃḍa bāna gahi dhāye | ripu sanamukha ati ātura āye ||