अध्याय 86: रावण का कूच और रण के लिए सजे श्रीराम

चलत होहिँ अति असुभ भयङ्कर । बैठहिँ गीध उड़ाइ सिरन्ह पर ॥
भयउ कालबस काहु न माना । कहेसि बजावहु जुद्ध निसाना ॥

calata hohim̐ ati asubha bhayaṅkara | baiṭhahim̐ gīdha ur̤āi siranha para ||
bhayau kālabasa kāhu na mānā | kahesi bajāvahu juddha nisānā ||

चली तमीचर अनी अपारा । बहु गज-रथ-पदाति-असवारा ॥
प्रभु सनमुख धाये खल कैसे । सलभ-समूह अनल कहँ जैसे ॥

calī tamīcara anī apārā | bahu gaja-ratha-padāti-asavārā ||
prabhu sanamukha dhāye khala kaise | salabha-samūha anala kaham̐ jaise ||

इहाँ देवतन्ह अस्तुति कीन्ही । दारुन बिपति हमहि एहिं दीन्ही ॥
अब जनि राम खेलावहु एही । अतिसय दुखित होति बैदेही ॥

ihām̐ devatanha astuti kīnhī | dāruna bipati hamahi ehiṃ dīnhī ||
aba jani rāma khelāvahu ehī | atisaya dukhita hoti baidehī ||

देव बचन सुनि प्रभु मुसकाना । उठि रघुवीर सुधारे बाना ॥
जटा-जूट हुद बाँधे माथे । सोहहिं सुमन बीच बिच गाथे ॥

deva bacana suni prabhu musakānā | uṭhi raghuvīra sudhāre bānā ||
jaṭā-jūṭa huda bām̐dhe māthe | sohahiṃ sumana bīca bica gāthe ||

अरुन-नयन बारिद-तनु-स्यामा । अखिल-लोक लोचनाभिरामा ॥
कटितट परिकर कस्यो निषङ्गा । कर कोदंड कठिन सारंगा ॥

aruna-nayana bārida-tanu-syāmā | akhila-loka locanābhirāmā ||
kaṭitaṭa parikara kasyo niṣaṅgā | kara kodaṃḍa kaṭhina sāraṃgā ||